خبيره التجميل ندى الشافعي: ما بين الحرفية في التجميل والوعي العاطفي… تولد بودكاست “ Glow Up”
خبيره التجميل ندى الشافعي: ما بين الحرفية في التجميل والوعي العاطفي… تولد بودكاست “ Glow Up”
في وقت بقى فيه مفهوم الجمال مربوط بعدد الفلاتر أو ماركة الروج، تطل علينا ندى الشافعي، خبيرة التجميل المصرية الشابة، بوجه مختلف تمامًا.
ندى مش بس خبيرة في تفاصيل التجميل، من البشرة للمكياج للرموش، لكنها صوت واعي جديد بيجمع بين جمال المظهر وجمال الداخل.
بجمالها الطبيعي، ملامحها المصرية، وحضورها القوي، قدرت ندى تلفت أنظار آلاف الفتيات مش بس لأنها شاطرة في شغلها، لكن لأنها قريبة منهم، بتتكلم لغتهم، وبتحس وجعهم.
ومن هنا، ولدت فكرة بودكاست “Glow Up” – مساحة نسائية جديدة، حقيقية، بتحكي فيها ندى عن كل اللي البنات بيمروا بيه:
• علاقات انتهت بس لسه مأثرة.
• فقدان الثقة بالنفس.
• طاقة أنثوية مكبوتة.
• جمال اتغطى بالضغط والمقارنة.
ندى ماجتش تحكيلك إزاي ترسمي آيلاينر، لكنها جات تسألك:
إنتِ شايفة نفسك حلوة فعلاً؟
بتحبي نفسك؟
فاكرة إنك كفاية زي ما إنتِ؟
Glow Up مش مجرد حلقات، دي دعوة لرحلة حقيقية داخل كل بنت…
ندى من خلال البودكاست بتخلّي الجمال أداة لاسترجاع الثقة، وبتربط بين المكياج والشفاء، بين التجميل و”التحبب” في الذات.
وفي زمن كل حاجة فيه بتخلص بسرعة، ندى الشافعي بتثبت إن اللي بيطلع من القلب بيوصل للقلب، وإن الجمال الحقيقي مش في الهايلايتر… لكنه في السلام الداخلي
