إحنا سكان أبو السعود عايشين في خطر يومي ومحدش سامع صوتنا!
قدام مدرسة، وبجوار جامع عمرو بن العاص، وفي قلب منطقة سكنية، بقى فيه مكب قمامة وخردة محتل الأدوار الأرضي!
كل يوم بيولعوا في الزبالة والخردة، ودخان أسود مرعب بيغطي المنطقة!
• يوم 26-8-2025 حصل حريق كبير جابت له المطافي.
• قبلها بأسبوع جم 7 عربيات مطافي يطفوا حريق تاني.
يعني إحنا قاعدين فوق قنبلة موقوتة ممكن تنفجر في أي لحظة!
الأطفال بيمرضوا من الدخان، الكبار مش قادرين يتنفسوا، والمنطقة كلها في رعب من تكرار الحريق.
غير كده… المكان اتحول لبؤرة تجارة مخدرات وشربها 24 ساعة قدام المدرسة!
إحنا مش عايزين غير حقنا:
• تنظيف المنطقة بالكامل من الزبالة والخردة.
• منع وتجريم أي حرق مخلفات في الأماكن السكنية.
• تدخل عاجل من المسئولين لإنقاذنا قبل ما تحصل كارثة أكبر.
حياتنا مش رخيصة، وصحة أولادنا أهم من إهمال موظفي الحي.
إحنا بنستغيث، وبنطلب من كل مسئول شريف يشوف حالنا ويتحرك فورًا.
لازم حد يموت من الأطفال او النار تشتغل ومحدش يلحق يطفيها عشان حد يتحرك ويتخذ اجزاء تجاه المصيبه دي
#انقذوا_أبو_السعود
#صحة_الإنسان_أغلى
#لا_للمخلفات_ولا_للحرق
