في زمنٍ أصبحت فيه الصحة هدفًا صعب المنال وسط ضغوط الحياة وسرعتها، يبرز إسم الدكتور أحمد عادل زقزوق كأحد أبرز المتخصصين في مجال التغذية العلاجية والبرامج الرياضية في مصر، واضعًا بصمته المميزة على حياة مئات الأشخاص الذين نجحوا في استعادة صحتهم ولياقتهم من خلال علمه وخبرته الممتدة لأكثر من عشر سنوات.
وبلقاء خاص معة في حديث مثمر أعرب عن مشكلة العصر الحالي وهي مقاومة الانسوين او الinsulin resistance وعن أسبابها وحلولها وعن تقديم بعض النصائح؟!
هو العامل المشترك اللي بيربط السمنة بالسكر بالكبد الدهني بالضغط بالكوليسترول بتكيس المبايض وبالاكتئاب…
المرض ده اسمه: مقاومة الإنسولين.
طيب يعني إيه مقاومة الإنسولين؟
الإنسولين هو هرمون البنكرياس بيطلّعه كل ما ناكل كربوهيدرات (نشويات/سكر)، عشان يفتح باب الخلايا ويدخل الجلوكوز (الوقود الأساسي للجسم).
لكن… لما الخلايا تبطل تستجيب وتقول: “مش عايزة إنسولين”، هنا تبدأ الكارثة.
النتيجة:
السكر يفضل في الدم = بيرتفع.
الخلايا جعانة = طاقة قليلة.
البنكرياس يتجنن ويطلّع إنسولين أكتر وأكتر.
الجسم يبقى غرقان في إنسولين عالي بس مش شغال.
إزاي ده بيأثر على جسمك كله؟
1. الكبد: يتشحم، يعجز عن تنظيف السموم، يضعف الحرق.
2. الغدة الدرقية: تتلخبط، يقل الهرمون، يبان الخمول والاكتئاب.
3. الكلى: ترسب أملاح واحتباس سوائل.
4. المخ: ضعف تركيز، نسيان، احتمال زهايمر.
5. الأوعية الدموية: تصلب، ضغط، جلطات.
6. المناعة: إنسولين عالي = التهابات مزمنة = أمراض مناعية زي الروماتويد.
7. السرطان: الخلايا السرطانية بتحب السكر، والإنسولين العالي بيغذيها أسرع.
الأعراض المبكرة اللي لازم تاخد بالك منها:
جوع سريع بعد الأكل.
رغبة شديدة في الحلويات أو النشويات.
دوخة أو خمول بعد الأكل.
ثبات الوزن رغم الدايت.
تكيّس مبايض عند الستات / ضعف انتصاب عند الرجالة.
تساقط شعر، حب شباب، أو دهون على الرقبة والبطن.
الأعراض دي بتديك إنذار بدري قبل ما التحاليل تظهر المشكلة.
طيب إيه اللي بيخلي جسمنا يوصل لكده؟
أكل النشويات البسيطة (سكر، عيش أبيض، حلويات).
التلقيط طول اليوم حتى لو لقيمات صغيرة.
التوتر المزمن (الكورتيزول يخلي الكبد يفرز سكر زيادة).
قلة الحركة.
السهر وقلة النوم.
أدوية معينة زي الكورتيزون.
السمنة نفسها بتخلي المقاومة تزيد أكتر.
التحاليل المهمة اللي لازم تتعمل:
سكر صايم.
إنسولين صايم (أهم واحد).
دهون الكبد: إنزيمات كبد + موجات صوتية.
كوليسترول كامل (HDL – LDL – TG).
فيتامين D.
وظائف الغدة الدرقية.
كل تحليل من دول بيكمل الصورة:
السكر والإنسولين يوضحوا هل في مقاومة فعلًا.
الكبد والدهون بيكشفوا أثر المقاومة على الجسم.
الغدة وفيتامين D بيبينوا ليه في خمول أو ثبات وزن.
الفرق بين مقاومة الإنسولين والسكر:
مقاومة الإنسولين مرحلة قبل السكر… يعني جسمك لسه بيحاول يقاوم.
لو صلّحت الوضع دلوقتي ممكن تمنع السكر خالص.
لكن لو أهملت → البنكرياس يتعب → السكر يظهر.
الحل: بروتوكول عكسي
العلاج مش في دواء واحد… العلاج في تغيير النمط كله.
1. الأكل:
قلل الكربوهيدرات (خصوصًا الأبيض والبسيط).
ركز على بروتين (بيض، لحوم، سمك) + خضار ورقي + دهون صحية (زيت زيتون، مكسرات).
زود ألياف (خضار، بذر كتان، شوفان).
2. الصيام المتقطع:
الفكرة إنك تقلل مرات الأكل علشان الإنسولين يرتاح.
مش شرط تبدأ بـ ١٦ ساعة مرة واحدة.
البداية: ٣ وجبات من غير سناكس → بعد كده تدريجي لـ ٢ وجبة.
استثنائات: مرضى سكر بياخدوا إنسولين لازم يستشيروا دكتور.
3. المكملات (ودور كل واحد):
زنك (مكسرات، كبدة) → يحسّن استجابة الخلايا للإنسولين.
فيتامين D → بيزود حساسية الإنسولين.
مغنيسيوم + بوتاسيوم (خضار، أفوكادو) → يظبطوا الأعصاب والعضلات والسكر.
فيتامين ب + كروميوم → يقللوا الرغبة في الحلويات.
أوميجا ٣ (سمك أو كبسولات) → يقلل الالتهابات.
4. النوم:
٧-٨ ساعات بالليل.
نوم الليل هو الوقت اللي الهرمونات بتتجدد فيه.
5. النشاط البدني:
أي حركة: مشي سريع، جري، مقاومة، حتى تمارين في البيت.
المشي ١٥ دقيقة بعد الأكل يقلل السكر فورًا.
تمارين مقاومة ٣ مرات في الأسبوع تبني عضلات تحرق السكر.
6. إدارة التوتر:
رياضة، صلاة، تنفس عميق.
أعشاب مساعدة: أشواجندا، مرمرية، ميليسيا.
مهم جدًا نفهم إن الأكل العاطفي (أكل وقت الزعل أو الملل) بيبوظ البروتوكول، ولازم نشتغل على الجانب النفسي.
إزاي تعرف إنك بدأت تتحسن؟
الجوع يقل.
تقدر تصوم ساعات بسهولة.
الكرش ينزل.
السكر الصايم يستقر.
الضغط والكوليسترول ينزلوا.
الطاقة والتركيز يرجعوا.
المدة؟
من ٣ لـ ٩ شهور حسب التزامك.
اللي في بدايته: يشوف نتيجة أسرع.
اللي بقاله سنين مع أدوية: محتاج وقت أطول وصبر.
ومش لازم الميزان ينزل بسرعة… العلامات الصحية بتظهر الأول.
▪️ هنا ييجي دور متخصص التغذية
يحدد لك خطة مناسبة لجسمك، مش نظام عشوائي من الإنترنت.
يقيم التحاليل (سكر صايم، إنسولين صايم، كبد، كوليسترول، غدة).
يربط الأعراض بالتحاليل: يفهم ليه عندك خمول/وزن ثابت/دهون على الكبد.
يعدل الأكل خطوة بخطوة عشان جسمك يتقبل التغيير.
يختار المكملات والجرعات على حسب حالتك
يتابع معاك التحسن ويشجعك تكمل (لإن أصعب حاجة إنك تقع في النص).
من غير متابعة صح… ممكن تفضل تلف في دائرة مقاومة الإنسولين سنين طويلة.
الخلاصة
مقاومة الإنسولين مش بس سبب السكر…
دي جذر ٧٠٪ من أمراض العصر.
ولو بدأت تصلحها من النهاردة… جسمك كله هيشكرك.
▪️ القرار عندك:
إما تسيب المرض يكبر في صمت…
أو تبدأ رحلة الشفاء مع طبيب تغذية يوجّهك، وتخلي جسمك يفتح أبوابه تاني للطاقة والحياة..
للمتابعات الاونلاين والانظمة الغذائية الصحية (في منظومة صحة & دايت) اتواصل معانا واتس اب علي رقم 01013142935
